Trajneri i Tottenham Hotspur, Mauricio Pochettino ka thënë se skuadra e tij shkojnë te kundërshtarët e Ligës së Kampionëve, Real Madridi që të fitojnë ndeshjen.
Pochettino synon të qëndrojë i vërtetë ndaj parimeve sulmuese të Tottenhamit dhe thekson se skuadra e tij do të përpiqet të bëjnë një lojë të mirë ndaj gjigantëve nga Madridi.
“Do të përpiqemi të dominojmë”, ka thënë fillimisht Pochettino në konferencën për shtyp para ndeshjes së Ligës së Kampionëve.
“Ne do të përpiqemi të jemi më të mirë, por është një sfidë masive për ne që t’i dominojmë ata”.
“Do të bëjmë presing të lartë, do të përpiqemi të luajmë në gjysmën e kundërshtarit, të përpiqemi të jemi agresivë dhe të guximshëm”.
“Kjo është mënyra se si ndjejmë që futbolli duhet të luhet. Nëse ata përpiqen të na shtyjnë përsëri thellë, atëherë në rregull, ne mund të përshtatemi me cilësinë e tyre”.
“Por, nga fillimi ne do të jemi të guximshëm dhe agresivë dhe do të luajmë për të fituar ndeshjen”, përfundoi trajneri i Tottenhamit.
Ndryshe, ndeshja mes Tottenhamit dhe Real Madridit zhvillohet nesër (e martë) në Santiago Bernabeu dhe fillon nga ora 20:45. /Telegrafi/