Mauricio Pochettino i ka shtuar spekulimet që e lidhin atë me Real Madridin duke pranuar se do t’i pëlqente ta drejtojë klubin mbretëror.
Trajneri i Tottenham Hotspur është një prej shënjestrave të Los Blancos për postin e trajnerit, në rast se vjen deri te shkarkimi i Zinedine Zidane.
Ndërsa gjatë pjesëmarrjes në ceremoninë e ndarjes së çmimeve të FIFA-s në Milano, strategu argjentinas është pyetur nga një gazetar lidhur me mundësinë që të angazhohet në Santiago Bernabeu.
Në përgjigjen e tij, Pochettino nuk e fshehu dëshiron që në të ardhmen ta marrë drejtimin e Real Madridit.
“A do ta drejtoj Real Madridin? Ndoshta, ndonjë vit”, është shprehur trajneri i Tottenhamit, i cili admirohet nga presidenti i Los Blancos, Florentino Perez. /Telegrafi/
#thfc manager Mauricio Pochettino: "Coach Real Madrid? Maybe some year." | @elchiringuitotv pic.twitter.com/iUZ7p4JccX
— Daily Hotspur (@Daily_Hotspur) September 23, 2019