Një familje pesë anëtarëshe nga Utah, kurrë nuk kishin menduar se do të lëndohen nga një karrige derisa po udhëtonin me veturë në autostradë.
Ata po lëviznin me mjetin e tyre motorik në një autostradë, kur krejt befasisht në drejtim të xhamit të përparmë u godit nga këmbët e hekurta të një karrige që fluturoi nga askund, transmeton Telegrafi.
Nuk dihet se si këmbët e karriges fluturuan dhe goditën xhamin – duke e bërë copa. Por nga kjo përplasje një nga pesë anëtarët e familjes ka pësuar prerje në trup nga copat e xhamit.
Në anën tjetër, policia është duke analizuar pamjet për të përcaktuar me saktësi se nga erdhën këmbët e karriges që goditën xhamin e veturës në lëvizje.
Megjithatë, pamjet janë filmuar nga kamera e vendosur brenda veturës, ndërsa videoja është shpërndarë në masë të madhe në rrjetet sociale. /Telegrafi/
