Një familje prej katër anëtarësh zbuloi një derë të fshehur brenda “shtëpisë së ëndrrave” të tyre gjatë rinovimeve.
Frida zbuloi se si gjeti një hyrje të bllokuar pas një muri.
Në një klip të postuar në rrjete sociale, pronarët e shtëpisë zhveshin murin derisa vërejnë një derë, përcjell Telegrafi.
“Pasi u zhvesh shtres pas shtrese, më në fund u shfaq”, rrëfeu Frida në klip.
“Fatkeqësisht dera ishte e mbyllur dhe e pamundur të hapej”, shtoi ajo.
@frida.s.lindHaunted house? 🏚️ 👻♬ Lovely – SLAP HOUSE MAFIA
Pa një përgjigje të qëndrueshme për atë që ndodhet prapa derës, familja e konsideron shtëpinë si “të pushtuar”.
Megjithatë, disa njerëz besojnë se dera e fshehur është një mashtrim pasi të shohin disa detaje.
“Ajo derë nuk është e vjetër. Duket krejt e re dhe nuk kishte dorezë. Më pas u shfaq papritur një dorezë”, komentoi një përdorues.
Ndryshe, familja suedeze nuk është e vetmja familje që ka gjetur dyer të fshehura brenda shtëpisë së tyre. /Telegrafi/