Policia në Tulsa, Oklahoma, kanë falënderuar një qytetar që asistoi ne kapjen e një personi të dyshuar.
“I duam qytetarët dhe i falënderojmë për mbështetjen që e marrin nga ata, e ky është një rast që e përshkruan më së miri mbështetjen që e marrim nga ta”, u tha nga departamenti i policisë në Tulsa.
Një polic që kishte të vendosur kamerën në uniformën e tij, shfaq momentin kur i vihet pas të dyshuarit Miguel Hernandez që po tentonte të ikte, transmeton Telegrafi.
Ai fillimisht ishte ndalur nga policia derisa ishte i shoqëruar nga një femër, e kur filluan ta marrin në pyetje ai i gënjeu për identitetin.
Në një moment filloi të vraponte dhe kështu ata iu vunë pas. Por një qytetar kur e pa situatën e tensionuar, ndali veturën në mes të rrugës për ta kapur të dyshuarin.
Kalimtari i rastit arriti ta rrëzojë në tokë, duke i dhënë mjaftueshëm kohë policëve që iu vënë pas dhe e prangosën. /Telegrafi/
