Një person nga Blackburn është shfaqur duke hedhur qumësht në drejtim të Tommy Robinson, kandidat britanik për zgjedhjet evropiane.
Sipas mediave të huaja, përcjell Telegrafi, Danyal Mahmud, 23 vjeçar, ishte duke punuar në Warrington dhe thotë se atij iu afrua Robinson, derisa ai ishte në rrugën e tij për në shtëpi.
Por pas kësaj, ndodhi një përplasje pasi Mahmud hodhi qumësht mbi Robinson.
Duke folur për incidentin, Mahmud ka thënë: “Isha në Warrington për një takim dhe pastaj isha në rrugën time për në shtëpi. Më duhej të kaloja këtë grup njerëzish”.
“Ai vazhdoi të fliste me mua, vazhdova të lëviz dhe isha i vetmi djalë aziatik atje. I thashë atij se nuk dua të flas me të. U bëra nervoz me të dhe qumështi ‘rrëshqiti’ nga dora ime”.
Ai tha se u arrestua nga një oficer i policisë pak çaste më vonë, pas së cilës është liruar. /Telegrafi/
https://www.youtube.com/watch?v=qAXRAVzGUu4