Seriali i njohur “O Sa Mirë” vazhdon të jetë një ndër serialet më të ndjekura nga publiku, të zhanrit komedi.
Seriali i cili mbledh aktorët e shumë qyteteve shqiptare në një vend, ka patur të njejtin sukses edhe në sezonin e tij të katërt.
Megjithatë, është raportuar së fundmi se disa aktorë nuk do të jenë më pjesë e tij.
Erblina Ajazi, e njohur ndryshe si “Plepi” që luante në rolin e Ganimetes, është larguar nga ky serial për shkak të disa angazhimeve në fushën profesionale.
Gjithashtu Telegrafi mëson se edhe aktori Rifat Smani, i cili njihej për rolin e turkut, nuk do të jetë më pjesë i serialit, për shkak të disa arsyeve personale.
Në vend të tyre, në “O Sa Mirë” është pozicionuar një aktor i ri nga diaspora, Ridvan Murati, i cili do të ketë një rol të përafërt me “Llukmanin” nga lugina e Preshevës. /Telegrafi/