“Qartë jemi angazhuar për hapjen e negociatave me Maqedoninë e Veriut dhe Shqipërinë. Numër i madh i vendeve kanë qenë për këtë, por për fat të keq një numër i vogël i vendeve nuk na kanë mbështetur dhe nuk janë mirtuar përfundimet. Kroacisë i vjen keq për këtë”.
Këtë e theksoi kryeministri kroat Andrej Plenkoviq në Bruksel, para fillimit të vazhdimit të Samitit të BE-së, përcjell Telegrafi Maqedoni.
Ai tha se ky është moment i mirë që Shkupi dhe Tirana t’i nisin negociatat me Bashkimin Evropian.
“Ky qëndrim nuk mbështetet nga të gjitha vendet. Duhet të vazhdojmë të insistojmë në këtë çështje dhe mesazhi që duhet ta dërgojmë tek miqtë tanë në Maqedoninë e Veriut dhe Shqipëri është të vazhdojnë me reforma, ndërsa ne si shumicë në Këshillin e BE-së do të vazhdojmë t’i mbështesim në rrugën evropian”, tha Plenkoviq.
Ndërsa kryeministri bullgar Boyko Borissov para vazhdimit të samitit të sotëm, tha se asgjë nuk ka përfunduar, por është shtyrë.
“Thjesht, është shtyrë për kohën gjatë kryesimit të Kroacisë. Fakti që nuk jemi marrë vesh për nënshkrimin e përfundimeve, tregon se shumica e vendeve janë për hapjen e negociatave me Maqedoninë e Veriut dhe Shqipërinë”, tha Borissov./Telegrafi/