Gjiganti kinez i tregtisë elektronike JD.com, ka raportuar se nga data 1 nëntor deri në ora 9 e ditës së hënë ka shitur rreth 24 miliardë dollarë mallra.
Menjëherë pas mesnatës së ditës së hënë, JD.com thotë se për 45 sekonda ka shitur 10 mijë orë të mençura Huawei GT2, mbi 10 mijë iPhone 11 pro për pesë minuta, 10 mijë pjatalarëse për tetë minuta dhe telefona Huawei Mate 30 pro 5G për 15 minuta, përcjell Telegrafi.
Sipas kompanisë, pajisjet elektronike, ushqimi dhe sendet shtëpiake ishin kategoritë më të kërkuara në mesin e konsumatorëve.
Hot shopping season in China!
Chinese e-commerce giant https://t.co/0yhQYh1ice sells 10,000 Huawei GT2 smartwatches within 45 seconds, 10,000 iPhone 11 Pro sets in 5 minutes https://t.co/54Sq1mR1m9 pic.twitter.com/rDPH0vtLGA— China Xinhua News (@XHNews) November 11, 2019
Shitjet e TV-ve prej 70-inç u rritën me 400 për qind për periudhën 1-10 nëntor.
Po ashtu, Alibaba kishte njoftuar se për 8 orë ka shpërndarë mbi 100 milionë pako të shitura. /Telegrafi/