Sevilla dhe Inter kanë zhvilluar një finale spektakolare në Ligën e Evropës.
Megjithatë trofeu shkoi në Spanjë, pasi klubi spanjoll triumfoi me rikthim 3-2.
Por një përleshje ka ndodhur në fushë mes mesfushorit argjentinas Ever Banega dhe trajnerit të Interit, Antonio Conte.
Gjithçka ndodhi në minutën e 16-të të sfidës, kur Interi pretendonte për një penallti të dytë pas prekjes me dorë në zonë nga Diego Carlos, por si italianët nuk mendoi gjyqtari i ndeshjes.
Conte u shfaq i nervozuar me vendimin e gjyqtarit, teksa Banega u afrua afër tij dhe e tërboi edhe më shumë.
“Më lerë pak ta shoh parukën”, ishin fjalët e argjentinasit i cili bënte me dorë në flokët e Contes.
Kaq ka mjaftuar që Conten ta tradhtojnë nervat dhe t’i vërsulet argjentinasit, por u ndalua nga stafi i tij.
Trajneri italian nuk është përmbajtur fare teksa ka kërcënuar argjentinasin se do ta pres pas ndeshjes për t’i qëruar hesapet.
Ky kërcënim i Contes u dëgjua nga gjyqtari kryesor që vendosi ta ndëshkoj me karton të verdhë trajnerin.
Megjithatë nga kjo përplasje, në fund i fituar doli Banega pasi shpëtoi pa karton, por edhe ngriti në fund të ndeshjes trofeun e Ligës së Evropës. /Telegrafi/
Things got HEATED between Ever Banega and Antonio Conte 😳
The Sevilla player appeared to make fun of Conte's hair…
Conte said "I'll see you after the game!" 👀#Club2020 pic.twitter.com/PxAdcssGZa
— Football on BT Sport #Club2020 (@btsportfootball) August 21, 2020