Manchester United mund të bëhet pjesë e rrjetit më të madh të shumë klubeve në botë nëse blihet nga investitorët nga Katari.
Pronarët e Red Devils, Glazers po shqyrtojnë disa oferta pasi kanë marrë vendimin për të shitur gjigantët anglezë.
Një nga ofertat më të spikatura erdhi nga një grup i udhëhequr nga Sheikh Jassim bin Hamad al-Thani, përndryshe president i Qatar Islamic Bank dhe djali i ish-kryeministrit të këtij shteti.
Qatar Sports Investments tashmë zotëron kampionin francez, Paris Saint-Germain.
🚨🇶🇦| JUST IN!
Qatar plan to mould Manchester United, Paris Saint-German and Sporting Braga into European football’s most POWERFUL multi-club network.
[via @DuncanCastles] ✅💰#MUFC pic.twitter.com/am9fl4YXG5
— UtdChronicle (@UtdChronicle) March 27, 2023
Ata gjithashtu kanë një aksione në klubin portugez Sporting Braga.
Presidenti i QSI-së dhe presidenti i PSG-së Nasser Al-Khelaifi po mendojnë gjithashtu të marrin nën kontroll Malagan, e cila rrezikon të bjerë në kategorinë e tretë të futbollit spanjoll, shkruan Daily Record.
Që nga viti 2010, klubi është në pronësi të një anëtari të degës së familjes në pushtet të Katarit, Abdullah Al-Thani, por kjo çështje është në gjykatë. Megjithatë, QSI planifikon ta sjellë klubin në infrastrukturën e tij të investimeve sportive në një përpjekje për ta rikthyer atë në La Liga.
Kjo është pjesë e një plani për të krijuar rrjetin më të madh të të gjitha klubeve me Bragan që vepron si një njësi zhvillimi për Manchester United dhe PSG.
Ky rrjet do të rivalizonte Grupin e Futbollit të Cityt të përbërë nga Manchester City së bashku me Neë York City, Melbourne City dhe Mumbai City.
Braga aktualisht është në vendin e tretë në kampionatin portugez, që do të thotë se ata janë afër kualifikimit në Ligën e Kampionëve sezonin e ardhshëm dhe ndoshta do të shortohen kundër Man United ose PSG më vonë në fazën e grupeve.
Rregullat ekzistuese të UEFA-s thonë se dy klube në pronësi të të njëjtëve njerëz nuk mund të konkurrojnë kundër njëri-tjetrit në garat evropiane.
Megjithatë, presidenti i UEFA-s, Aleksander Ceferin së fundmi la të kuptohet për një ndryshim të menjëhershëm të kësaj rregulloreje./Telegrafi/