Luciano Spalletti do të përpiqet ta mbajë Ivan Perisicin te Interi, ta huazojë Gabriel Barbosan dhe t’i transferojë Federico Bernardeschin dhe Domenico Berardin.
Sipas Gazzetta dello Sport, mesfushorit kroat i pëlqen ideja që t’i bashkohet Manchester Unitedit, mirëpo ish-trajneri i Romës dëshiron ta mbajë atë me çdo kusht në Giuseppe Meazza.
Për më shumë, Gabigol mund të dërgohet te ndonjë skuadër për të përfituar më shumë përvojë për të luajtur në ekipin e parë.
Ndërkaq, në rast se Interi e shet Perisicin, atëherë me paratë e fituara, trajneri i ardhshëm i Nerazzurrëve do t’i blejë Bernardeschin dhe Berardin.
Gazeta bën të ditur se Spalletti planifikon të luajë me formacionin 4-3-3, me Mauro Icardin që do ta udhëheqë sulmin, ndërsa Andrea Pinamonti do të jetë në bankën rezervë. /Telegrafi/
