Një plagosje me armë zjarri ka ndodhur sonte në Drenas.
Viktima ka marrë lëndime nga arma e zjarrit dhe është duke u trajtuar në Qendrën Emergjente të QKUK-së në Prishtinë.
Mësohet se viktima është vëllai i deputetit të VV-së Rexhep Selimi, Islam Selimi.
Ai është goditur nga një plumb dhe nuk është rrezik për jetën.
Lajmi u konfirmua edhe nga Policia e Kosovës. “Rreth orës 20:00 e kemi pranuar informacionin për një plagosje me armë zjarri. Rasti ka ndodhur ne Komoran”, tha zëdhënësja e Policisë së Kosovës për rajonin e Prishtinës, Flora Ahmeti, për Kallxo.com
I dyshuari për plagosje është 47 vjeçari, Xhevat Nuha që është arrestuar nga Policia e Kosovës. Edhe arma që dyshohet të jetë përdorë në rast është konfiskuar nga Policia e vendit.