Një person është plagosur me armë zjarri këtë të premte në Gjakovë.
Sipas policisë, rasti ka ndodhur rreth orës 18:20 në rrugën “Yll Morina”.
“Sot rreth orës 18:20 kemi pranuar informatë se një person mashkull i moshës madhore ishte qëlluar më armë zjarri në rrugën ‘Yll Morina’ në Gjakovë”, ka thënë për Telegrafin, zëdhënësi i policisë për rajonin e Gjakovës, Sheremet Elezaj.
Ai ka bërë të ditur se policia menjëherë ka dalë në vendin e ngjarjes, përderisa viktima është dërguar në Spitalin Rajonal në Gjakovë.
“Nga informatat e para të pranuara nga personeli mjekësor, viktima është jashtë rrezikut për jetë. Aktualisht policia është duke ndërmarr të gjitha veprimet e duhura hetimore që do të ndihmonin hetimin dhe sqarimin e rastit si dhe kapjen e të dyshuarit”, ka përfunduar Elezaj. /Telegrafi/