Policia e Kosovës ka njoftuar se në fshatin Doganaj të Kaqanikut tre persona janë përleshur fizikisht, ku gjatë përleshjes janë përdorur shufra metali dhe armë zjarri.
Policia bën të ditur se gjatë përleshjes, një person është plagosur nga arma e zjarrit, transmeton Telegrafi.
“Fsh. Doganaj, Kaqanik, 06.03.2021-16:10. Raportohet se pas një mosmarrëveshje tre meshkuj kosovarë, janë rrahur mes veti ku janë përdorë shufra metali si dhe një armë. Të lënduarit janë dërguar në tretman mjekësor ku njëri nga të lënduarit është plagosur nga arma e zjarrit në këmbë”, thuhet në njoftimin e Policisë.
Policia tutje bën të ditur se nga të dyshuarit janë konfiskuar: një revole Bereta, 59 fishekë te kalibrit 9 mm, një revole TT me 16 fishek, një revole me 23 fishek të kalibrit 9 mm dhe një pushkë gjuetie me 14 fishek.
Pas intervistimit me vendim të prokurorit të dyshuarit janë dërguar në mbajtje. /Telegrafi/