Bjordi Mezini është një nga banorët e sivjetmë të Big Brother VIP Albania.
Por kjo nuk është hera e parë që ai merr pjesë në një format të tillë, pasi në vitin 2009 ai kishte pasur njohjen e tij të parë me publikun, pikërisht në Big Brother.
Aso kohe ai kishte arritur deri në finale, ku ishte renditur i treti në rezultatin final.
Bjordi i cili ndër vite ka ndërtuar një karrierë të suksesshme si regjisori, për publikun është i njohur edhe si protagonist në një prej klipeve më të njohura shqiptare.
Ai kishte qenë pjesëmarrës në videon muzikore të këngës “Asnjëherë” të këngëtares së mirënjohur Albërie Hadërgjonaj.
Së bashku me protagonsiten tjetër, Enxhi Cuku, Bjordi kishte realizuar një interpretim tejet të veçantë mbi tematikën e dashurisë së thyer – të cilën e trajtonte edhe kënga.
“Asnjëherë” është një kompozim i Kledi Bahiti me tekst të Olti Currit, pjesëmarrëse në Top Fest 10 në vitin 2013, ku ishte shpërblyer me çmimin “Balada më e mirë”. /Telegrafi/
