Andrea Pirlo beson se Cristiano Ronaldo do të bëjë diferencën për Juventusin në shtytjen e skuadrës drejt trofeut të Ligës së Kampionëve.
Ronaldo iu bashkua Juventusit para disa ditësh për një shifër të raportuar prej 112 milionë eurosh në total.
Sulmuesi portugez ka fituar katër nga pesë Ligat e Kampionëve të fundit me Real Madridin dhe Pirlo ndjen se Bianconerët janë shumë më afër ëndrrës së tyre evropiane me Ronaldon në skuadër.
“Cristiano Ronaldo mund ta sjellë diçka shtesë, që Juventusi ka nevojë”, ka thënë fillimisht Pirlo për Sky Sport Italia.
“Jam i lumtur që një kampion i madh i është bashkuar Juventusit”.
“Blerja e një lojtari si ai nuk ju fiton i vetëm Ligën e Kampionëve, por ju afron shumë më afër trofeut”.
“Ronaldo është një lojtar që pengon bilancet, dhe ai mund të ndihmojë Juventusin të fitojë Ligën e Kampionëve”.
“Ai është një lojtar i madh, ai do të bëjë diferencën dhe do të shohim diçka të bukur”, përfundoi ish-mesfushori italian. /Telegrafi/