Andrea Pirlo beson se Antonio Conte mund t’i jap më shumë Interit se sa Jose Mourinho, pasi që të dy janë duke u lidhur me një kalim te skuadra italiane.
Conte thuhet se është në pozitë ideale për ta marrë drejtimin e skuadrës italiane, mirëpo në garë është futur edhe trajneri portugez.
“Mendimi im është që Conte mund t’i jap më shumë Interit se sa Jose Mouringo, veçanërisht në strukturën e skuadrës”, ka thënë Pirlo për Sky Sport Italia.
“Nëse ai i bashkohet Interit, tifozët, lojtarët, të gjithë në Itali do të jenë më afër tij, do ta presin ngrohtësisht atë”.
“Conte ka një mentalitet fitues, ai është luftarak dhe nuk dëshiron ta humbet asnjë ndeshje. Është Conte i vetmi trajner që mund të nxjerrë më të mirën nga lojtarët e Interit dhe mund të bëjnë gjëra të mëdha”, ka shtuar më tej Pirlo. /Telegrafi/