Legjenda italiane, Andrea Pirlo ka folur fjalë të mëdha për mesfushorin e ri holandez, Frenkie De Jong.
Talenti holandez nga ky vit do të djersit fanellën e Barcelonës, pasi klubi katalunas kishte arritur marrëveshje transferimi disa muaj më parë.
Paraqitjet e tij të mira me Ajaxin dhe Holandën kanë bërë që ish-mesfushori italian, Pirlo, ta vlerësoj lart De Jongun.
“De Jong është një nga mesfushorët më të mirë në botë momentalisht”, ka thënë fillimisht Pirlo.
“Ai më kujton veten, ka personalitet, teknikë dhe gjithçka për të luajtur në këtë pozicion”.
“Është puna te vizioni. Ai e njeh fushën dhe lëvizjen e lojtarëve të tjerë. Ai është një lojtar shumë i mirë”, përfundoi ish-mesfushori italian.
Ndryshe, De Jong ishte një nga më meritorët që Ajaxi fitoi titullin në Holandë dhe arriti deri në gjysmëfinale të Ligës së Kampionëve. /Telegrafi/