Legjenda franceze, Robert Pires ka folur fjalë të mëdha për yllin argjentinas të Barcelonës, Lionel Messi.
Messi është njëri nga lojtarët më të mirë në histori të futbollit padyshim, pasi deri më tani ka arritur të fitojë pesë Topa të Artë.
Përveç çmimeve individuale, Messi ka shënuar edhe më shumë se 500 gola dhe ka fituar trofe të rëndësishëm ekipor.
Për shumë kë, Messi është më i miri i të gjitha kohërave, por për disa tjerë ka legjenda tjerë më të mirë se ai si psh. Zinedine Zidane, Diego Maradona apo Cristiano Ronaldo.
Megjithatë, legjenda franceze, Pires, i cili ka luajtur me lojtarë si Zidane e Henry ka thënë se Messi ka diçka më shumë se këta dy, por edhe se Ronaldinho dhe Ronaldo.
“Nëse ai luan si kundër Espanyolit, është e pamundur ta ndalosh. Ishte i pabesueshëm”, ka thënë fillimisht Pires për Mundo Deportivo.
“Kam luajtur me Zidane, Henry dhe [Juan Roman] Riquelme, dhe kundër Ronaldinhos dhe Cristianos, por Messi ka diçka që askush tjetër nuk e ka”.
“Nuk e di nëse ai është më i miri në histori, por ka pak në vendin ku është ai”, përfundoi legjenda franceze. /Telegrafi/