Gerard Pique mund të largohet nga Barcelona pasi klubi katalunas pritet të bëjë revolucion.
Pas humbjes së thellë 8-2 në çerekfinale të Ligës së Kampionëve, Pique ishte i pari që tha se mund të largohet.
Qendërmbrojtësi spanjoll deklaroi se nëse ai është problemi te klubi, atëherë do të largohej për të lëshuar rrugë.
Duke parë situatën aktuale të tij me Barcelonën, skuadra angleze Fulham i ka bërë ofertë spanjollit.
Mediat spanjolle raportojnë se Fulham i ka bërë ofertë zyrtare Piques, duke i ofruar një kontratë tri vjeçare.
Londinezët të rikthyer në elitë duan ta kenë në radhët e veta Piquen i cili mund t’i ndihmojë shumë me përvojën e tij.
Gjithsesi detajet financiare nuk janë publikuar, por është një ofertë shumë e mirë që Pique po e vlerëson atë.
Për 33-vjeçarin do të ishte një rikthim në Ligën Premier, pasi më parë ka luajtur për Manchester United. /Telegrafi/