Ka ardhur edhe reagimi i Gerard Piques për përplasjen publike të kapitenit Lionel Messi me drejtorin Eric Abidal.
Qendërmbrojtësi spanjoll ka folur pas eliminimit nga Copa del Rey, ku Barcelona pësoi në minutat e fundit nga Athletic Bilbao për tu eliminuar 1-0.
“Replikat nuk na ndihmojnë fare, ne duhet të përqendrohemi vetëm te ndeshja dhe t’i fitojmë ato”.
“Nuk është koha tani të gjejmë gjilpërën në kashtë, pasi krejt çfarë mund të them është se ka bashkim maksimal brenda dhomës së zhveshjes”.
“Të gjithë në klub e dinë se çfarë është bërë mirë dhe çfarë jo, me kaq e mbylli këtë temë”, deklaroi Pique.
Tutje qendërmbrojtësi spanjoll foli edhe për eliminimin nga Kupa nga Athletic Bilbao.
“Kemi luajtur shumë mirë edhe pse pati shumë zhurmë në ditët e fundit. Ideja e Setien po materializohet çdo ditë e më shumë, kështu që duhet të mendojmë për t’i fituar dy trofetë që jemi në garë, La Ligan dhe Ligën e Kampionëve”, përfundoi Pique. /Telegrafi/