Mbrojtësi spanjoll, Gerard Pique gjithnjë jep deklarata interesante në shtetin e tij.
Fjalët e qendërmbrojtësit të Barcelonës gjithmonë bëhen temë në Spanjë, ndërsa ai ka folur për përmbysjen historike të skuadrës së tij ndaj PSG-së.
Barcelona humbi ndeshjen e parë 4-0, por riktheu gjithçka duke shënuar fitore 6-1 për të kaluar në çerekfinale.
Ramos deklaroi para asaj ndeshje se do të ishte i lumtur nëse Barcelona do të eliminohej nga Liga e Kampionëve.
“Nuk mërzitëm për polemika asnjëherë. Ishte një fitore historike dhe një përmbysje e jashtëzakonshme”, ka deklaruar Pique.
“E gjithë Evropa e vlerësoi përmbysjen tonë dhe sigurisht që i ka pëlqyer edhe Sergio Ramosit që dëshiroi të na shoh të eliminuar”, thotë Pique me ironi.
Në fund mbrojtësi katalunas ka folur edhe për shortin e Çerekfinales ku nuk ka ndonjë klub të preferuar.
“Nuk ia kemi frikën asnjë kundërshtari. Nuk kemi ndonjë preferencë se me kë të takohem, ne synojmë t’i shkojmë deri në fund kësaj gare”, përfundoi Pique.
Pique gjithmonë njihet si lojtar që ngacmon rivalët e Real Madridit me deklaratat e tij bombastike. /Telegrafi/