Milani takohet me Monzën të shtunën mbrëma në San Siro, në një sfidë shumë emocionuese.
Silvio Berlusconi dhe Adriano Galliani tani në krye të Monzës kthehen në stadiumin San Siro për tu përballur me Milanin që ata e bën njërin nga klubet më të fuqishme në botë.
Për këtë duel ka folur edhe trajneri i Milanit, Stefano Pioli duke thënë se do të jetë shumë emocionues.
“Do të jetë një ndeshje e veçantë ndaj Monzës, me një aspekt romantik. Berlusconi dhe Galliani kanë bërë histori me Milanin. Megjithatë, ne nuk duhet të mendojmë shumë për këtë gjë, sepse duhet të përballemi në mënyrën e duhur me ta. Vijmë nga tre fitore dhe duhet të vazhdojmë këtë rrugëtim”.
“Dua që skuadra të luaj në nivelin që ajo ka, edhe pse nis një rrugëtim i rëndësishëm me shumë ndeshje të ngjeshura. Prandaj ne duhet ta nisim me këmbën e duhur këtë cikël”, u shpreh trajneri italian.
Tutje i pari i shtabit teknik të Milanit konfirmoi mungesën e gjatë të portierit Mike Maignan deri në janar, gjë që francezi ka humbur edhe Kampionatin Botëror.
“Theos ia grabitën shtëpinë dhe ajo gjë ishte një situatë shumë e pakëndshme, por ai po e nxjerr inatin në fushë dhe ne po i qëndrojmë afër”.
“Për Maignan më vjen shumë keq për dëmtimin. Është një lojtar i rëndësishëm dhe po bënte gjithçka për t’u rikthyer. Bëmë gjithçka në kohën e duhur. Pësoi dëmtim në të njëjtin muskul dhe mendoj se do të qëndrojë jashtë deri në fundin e janarit”, deklaroi Pioli. /Telegrafi/