Trajneri i Milanit, Stefano Pioli është bërë kandidati kryesor për të marrë drejtimin e Napolit dhe thuhet se ka rënë dakord për një marrëveshje në parim me presidentin Aurelio De Laurentiis.
Trajnerit të kuqezinjve pothuajse me siguri do t’i tregohet dera në fund të këtij sezoni, duke i dhënë fund një periudhe pesëvjeçare në kryeqytetin e Lombardisë që pati shumë ulje-ngritje, duke përfshirë fitimin e Scudettot në sezonin 2021/22 dhe një kualifikim deri në gjysmëfinale të Ligës së Kampionëve sezonin e kaluar.
Milani prej pak kohësh është në kërkim të një zëvendësuesi të Piolit, duke hedhur një rrjetë të gjerë teksa konsideron kandidatë të ndryshëm.
Ndërkohë, Napoli është gjithashtu në kërkim të një trajneri të ri, pasi është përballur me kërkesat e larta nga Antonio Conte.
Sipas Daniele Longo të Calciomercato.com, Pioli ka qenë në kontakt të ngushtë me De Laurentiis në javët e fundit dhe është bërë kandidati kryesor për të marrë drejtimin e Napolit në verë, pasi të konfirmohet largimi i tij nga Milani.
Megjithëse stilolapsi nuk është hedhur ende në letër, të dy palët thuhet se kanë rënë dakord për një marrëveshje trevjeçare në parim përpara verës, duke lënë vetëm detajet përfundimtare për t’u zgjidhur. /Telegrafi/
Intesa verbale tra Pioli e il Napoli per un contratto di 3️⃣ anni 🤝 @cmdotcom
— Daniele Longo (@86_longo) May 4, 2024