Mesfushori i Leeds United, Kalvin Phillips thuhet se nuk do të bashkohet me Manchester Unitedin, pasi preferon transferimin te rivalët e tyre, Liverpooli.
Reprezentuesi anglez ka parë rritje të konsiderueshme të formës së tij gjatë viteve të fundit, duke fituar edhe një vend titullari te Kombëtarja e Anglisë.
Forma e tij e mirë në qendër te mesfushës ka bërë që Phillips të bëhet cak i ofertave të mëdha nga klubet elitare të Ligës Premier, të cilat tani thuhet se janë në gatishmëri.
Sipas The Sun, besnikëria e Phillips ndaj Leeds Unitedi do të thotë se ai do të refuzojë çdo interes nga Manchester United.
Phillips thuhet se preferon një lëvizje te klubi nga Anfield, Liverpool, i cili gjithashtu ka shprehur interesim për transferimin e anglezit.
Çmimi i mesfushorit energjik anglez sillet rreth 40 milionë euro dhe kjo nuk duket të jetë problem për Reds. /Telegrafi/