Eksperti amerikan i politikës së Jashtme, David Phillips ka folur për marrëveshjen e Ohrit të cilën kryeministri i Kosovës Albin Kurti dhe presidenti serb, Aleksandar Vuçiq janë dakorduar me 18 mars.
Sa i përket Asociacionit, Phillips ka thënë s çfarëdo pushteti që i jepet Asociacionit duhet të shtrihet edhe në komunitetet etnike shqiptare në Luginën e Preshevës.
“Emri i shoqatës nuk është aq i rëndësishëm sa përcaktimi i kompetencave të shoqatës. Çfarëdo pushteti që i jepet Asociacionit duhet të shtrihet edhe në komunitetet etnike shqiptare në Preshevë, Bujanoviq dhe Medvegjë. Simetria është e rëndësishme. Po kështu është një mekanizëm për monitorimin e zbatimit të kompetencave të Asociacionit në mënyrë që ato të kontribuojnë në stabilitetin afatgjatë dhe integritetin territorial të Kosovës”, tha ai.
Sa i përket nenit 7, paragrafi i dytë të Propozimit Evropian, eksperti amerikan ka thënë se dhënia e statusit special të Kishës Ortodokse Serbe në Kosovë një precedent akomodues i rrezikshëm, veçanërisht duke pasur parasysh debatin e nxehtë mbi Asociacionin.
“Krijimi i Misioneve të Përhershme Diplomatike dhe vendimi për të hequr dorë nga pengesat ndaj anëtarësimit në BE janë hapa pozitivë. Kosova tashmë ka mbrojtje të gjerë të trashëgimisë kulturore të Serbisë në kushtetutën e saj dhe përmes respektimit të parimeve të Ahtisaarit. Dhënia e statusit special të Kishës Ortodokse Serbe në Kosovë përbën një precedent akomodues të rrezikshëm, veçanërisht duke pasur parasysh debatin e nxehtë mbi Asociacionin”, u shpreh ai.
Phillips foli edhe për rrezikun e destabilizimit të Ballkanit nga Rusia përmes Serbisë.
“Rusia po vepron përmes përfaqësuesit të saj, Qeverisë në Beograd, për të zgjeruar praninë ushtarake dhe për të destabilizuar rajonin. Rusia është një aktor i keq i kryesuar nga një regjim kriminal. Mbështetja e saj për Beogradin është më shumë e frymëzuar nga anti-amerikanizmi sesa nga mbështetja për Serbinë. Rusia është e aftë për çdo aktivitet të poshtër. Një operacion “False flag” mund të organizohet për të ndezur dhunën dhe për të minuar përparimin në Bllkan”, u shpreh ai.
Intervisten e plotë të David Phillips mund ta gjeni KËTU.