Philiepp Coutinho duket se e mendon largimin nga Barcelona, pas dështimit për të gjetur hapësirë.
Braziliani është aktualisht ën huazim te Bayern Munichu, por këta të fundit nuk e duan blerjen e tij dhe në këtë verë pritet të largohet nga Camp Nou.
Coutinho kaloi te katalunasit për 150 milionë euro nga Liverpooli, derisa agjenti i tij Kia Joorabchian ka thënë se është e vështirë për të luajë te ndonjë skuadër angleze, duke zbuluar interesimin e Manchester United.
“Manchester United është refuzuar. Në fakt, nuk ka ndonjë klub tjetër që mund të transferojë Coutinhon”, ka thënë ai.
“United është një klub fantastik dhe kam lojtarë atje dhe kam shumë respekt për ta, por Philippe nuk do të shkojë atje”.
“Ai më ka bërë të ditur se është tifozë i përjetshëm i Liverpoolit edhe pse është larguar, pasi një lojtar që luan në Anfield, bëhet tifoz i klubit dhe do të kishte të vështirë të luante te ndonjë klub tjetër”, ka shtuar më tej Joorabchian.
Në garë për Coutinhon besohet të jetë edhe Chelsea e Arsenali, mirëpo ende nuk dihet se ku mund të luajë braziliani. /Telegrafi/