Phelps nuk garoi me një peshkaqen të vërtetë, ndërsa shikuesit u zhgënjyen (Video)

Fansat e Michael Phelps ishin shumë të entuziazmuar kur dëgjuan se ai do të garonte me një peshkaqen dhe e gjithë ngjarja do të transmetohej në televizion, mirëpo ata u zhgënjyen nga ajo që panë të dielën mbrëma në Discovery Channel.

Të gjithë prisnin që 32-vjeçari së paku të futej në një kafaz noti dhe të garonte drejtpërdrejt me peshkaqenin e bardhë.

Mirëpo, në vend të kësaj, gara e fituesit të 28 Medaljeve Olimpike ishte ndaj versioneve virtuale të peshkaqenëve duke u bazuar në aftësinë e tyre të notit në gara të ndara. Pra, ishte një simulim.

Lexo po ashtu Michael Phelps humbi garën ndaj peshkaqenit të bardhë (Video)

“Është e qartë se nuk mund ta vendosim Michaelin në një korsi dhe peshkaqenin e bardhë në një tjetër. Duhet ta bëjmë një simulim”, ishin fjalët që i dëgjuan shikuesit nga ekologu Tristan Gutteridge.

Gjatë gjithë episodit “Phelps vs. Shark: Great Gold vs. Great White”, shikuesit e kanë parë ekipin e Gutteridge duke mbledhur të dhëna rreth shpejtësisë së notit të peshkaqenëve, gjë që ishte e vështirë për t’u regjistruar, sepse peshkaqenët nuk notojnë në një vijë të drejtë.

https://www.youtube.com/watch?v=9ivx8IQwQl0

Prandaj, në vend se Phelps dhe peshkaqeni të notonin krah për krah, shkencëtarët krijuan një imazh kompjuterik të bazuar në shpejtësinë e notit të peshkaqenit dhe notari më i mirë i të gjitha kohërave garoi me këtë simulim.

Shikuesit nuk kanë qenë aspak të kënaqur me këtë gjë, duke qenë se i është bërë shumë reklamë dhe pritej që amerikani i famshëm të garonte me peshkaqenin e jo me një simulim kompjuterik, ndërsa reagimet në rrjetet sociale kanë qenë të shumta. /Telegrafi/

https://twitter.com/spoyourboat/status/889289665840283651

https://twitter.com/HannahGBowen/status/889292068127899650

https://twitter.com/reqnna/status/889315167690936320

https://twitter.com/theSwoleCole/status/889332518239055873

https://twitter.com/ESPNCindy/status/889342221941587969