Telegrafi

Petkovic: Valoni ‘jeton’ për Zvicrën, në Granitin nuk kam dyshuar kurrë

Një ditë pas pretendimeve në disa media kosovare se shqiptarët që luajnë në Zvicër u penguan nga FIFA për të kaluar drejt përfaqësueses së Kosovës, trajneri Vladimir Petkovic shprehet se askush prej tyre nuk u detyrua që të qëndronte te Zvicra.

Petkovic thotë se ishte i sigurte për qëndrimin e Valon Behramit dhe Granit Xhakës dhe se lojtarët e kishin bërë me kohë zgjedhjen e tyre.

Ndërsa për Shaqirin, ai thekson se do të mungojnë në sfidën ndaj Portugalisë më 6 shtator për shkak të dëmtimit.

Lexo po ashtu Petkovic: Nuk kisha nevojë t’i bindja shqiptarët të qëndrojnë te Zvicra

“Në ditën e sotme, Valon Behrami ka zgjatur karrierën e tij ndërkombëtare pa e detyruar askush që ta bëjë një gjë të tillë. Valoni “jeton”: për këtë kombëtare të Zvicrës. Unë nuk kam dyshuar kurrë te përkushtimi i tij, njëlloj si te ai i Granit Xhakës”, ka thënë ai për median zvicerane “20min.ch”, shkruan panoramasport.

Lexo po ashtu Ragip Xhaka: Të gjithë ata që kanë thënë se Graniti është tradhtarë, të tillë janë vetë

Një ditë më parë Telegrafi raportoi se Shani Tarashaj dhe Xherdan Shaqiri kishin shfaqur dëshirën e tyre për të luajtur për Kosovën, por nuk kërkesa e tyre nuk u pranua nga FIFA për shkak se kishin luajtur ndeshje zyrtare me Zvicrën, pas pranimit të Kosovës në UEFA dhe në FIFA.

Por deklarata e trajnerit të Zvicrës duket se thotë të kundërtën e pretendimeve se lojtarët u penguan që të zgjidhnin Kosovën.