Peticioni që lejon pirjen e lëngut brenda një sarkofagu misterioz që është gjetur në Egjipt, deri më tani ka mbledhur më se 11 mijë nënshkrime.
Prej se është hapur arkivoli nga graniti dhe në të cilin u gjetën tre trupa në një lëng të turbullt, ka pasur spekulime se ky mund të jetë një eliksir për jetëgjatësi, transmeton Telegrafi.
Meqenëse Ministria e Antikiteteve e ka hedhur poshtë një pretendim të tillë dhe nuk la lejuar të përdoret likuidi, ka pasur shumë kërkesa nga vullnetarët, që donin ta pinin dhe të mbanin vet përgjegjësitë.
“Është vetëm mbetje e trupave të dekompozuar, që nuk kanë kaluar në ndonjë proces të balsamimit. Pirja e këtij lëngu, nuk është e rekomandueshme” kanë thënë ekspertët e shëndetësisë.
Meqenëse nënshkrimet po vazhdojnë, nuk dihet nëse do të jepet mundësia dikujt të pi lëngun, nga sarkofagu i vjetër më se 2,000 vjet.
Prej se është gjetur në Aleksandri, ka pasur spekulime se në të ndodhet trupi i Aleksandrit të Madh. Më vonë është thënë se brenda është ndonjë mallkim, para se të hapet dhe të zbulohet se janë tre trupa meshkujsh, që besohet të ishin ushtarë të zakonshëm.
“Po del se është një mister më i madh, se që kemi paraparë” ka thënë grupi i egjiptologëve, që po e hulumtojnë gjetjen. /Telegrafi/
