Katedralja e Notre Dame në Paris ka përjetuar një zjarr shkatërrues i cili ka shkatërruar çatinë e saj dhe ka shkaktuar rrëzimin e saj.
Sipas mediave të huaja, përcjell Telegrafi, zjarrfikësit punuan gjatë natës dhe ishin në gjendje të shpëtonin strukturën kryesore të ndërtesës 850 vjeçare dhe dy kulla kryesore të saj.
Shkaku i zjarrit është i paqartë, por zyra e prokurorëve të Parisit ka thënë se po hetohet si një aksident me veprat e rinovimit që tashmë janë cituar si një mundësi.
Ndërkohë, president francez emocionalisht i prekur, Emmanuel Macron u zotua për rindërtimin e katedrales ikonë.
Ai tha: “Ne do ta rindërtojmë këtë katedrale të gjithë së bashku dhe pa dyshim është pjesë e fatit francez dhe projektit që do të kemi për vitet e ardhshme” para se të shtojë se “kjo është ajo që pritet nga francezët dhe sepse është ajo që meriton historia jonë”.
Në këtë drejtim, qindra miliona janë premtuar tashmë për të rindërtuar Notre Dame.
Familja franceze e miliarderit Bernard Arnault dhe grupi i tij i mallrave luksoze LVMH do të dhurojnë 200 milionë euro për të ndihmuar në rindërtimin e katedrales Notre-Dame të Parisit.
Gjithashtu, mediat kanë raportuar se një nga familjet më të pasura të Francës iu është përgjigjur menjëherë thirrjeve të presidentit të vendit për të ndihmuar në rindërtimin e katedrales dhe ka premtuar 100 milionë euro për të rindërtuar ikonën e Parisit.
Dhe kur zjarret janë shuar dhe kanë filluar hetimet, është publikuar një infografikë që tregon disa nga numrat kryesorë të katedrales së famshme, përcjell Telegrafi.
Siç bëhet e ditur në grafikon, puna filloi në ndërtesë në vitin 1163 dhe tërhoqi 13 milionë vizitorë çdo vit. Madje, mesatarisht, secili vizitor duhet të priste 120 minuta para se të futej në Notre Dame.
Veç këtyre, ajo ishte e lartë 128 metra, e gjerë 48 metra, kurse kambanat peshojnë 35,915 kilogramë.
Katedralja e Parisit, Notre Dame, e cila është përfshirë nga zjarri ku si pasojë është shembur çatia, konsiderohet si një nga shembujt më të mirë të arkitekturës gotike të Francës. /Telegrafi/
