Një djalë i ri ka arritur të mbledhë një 1 milion funte për punëtorët shëndetësorë pasi përfundoi një shëtitje bamirësie në këmbët e tij të reja protetike.
Sipas mediave të huaja, përcjell Telegrafi, bëhet fjalë për Toni Hudgell, pesë vjeç, i cili humbi të dy këmbët pasi pësoi abuzim fizik nga prindërit e tij biologjikë kur kishte vetëm 41 ditë që nga lindja e tij.
Siç thuhet më tej, lëndimet çuan atë në sepsë dhe dështim të shumëfishtë të organeve, me gjendjen e tij duke u bërë aq e rëndë, saqë iu desh që të dy gjymtyrët të amputoheshin.
Djaloshi i vogël trim, i cili është adoptuar nga prindërit e dashur Paula dhe Marku, ka qenë duke përdorur bllokimin e coronavirusit për të mësuar të ecë në gjymtyrët e tij të reja protetike.
Frymëzuar nga përpjekjet e fundit të kapitenit Tom Moore, Tony vendosi që sfidën e tij personale ta kthejë në një mbledhje fondesh dhe vendosi të mbledh 500 funte, duke ecur 10 km në 30 ditë.
Sidoqoftë, i riu kaloi shumëfish objektivin e tij dhe vazhdoi të mblidhte kapte 1.073.112 funte për “Evelina London Children’s Hospital” në Lambeth.
Kështu, në festimin e punës së tij të shkëlqyeshme, Tony u nderua dje me çmimin e Kryeministrit “Points of Light”, i cili u jepet ‘vullnetarëve të shquar individualë’ për ndryshimin brenda komuniteteve të tyre.
Deputeti lokal, Tom Tugendhat, prezantoi çmimin, duke thënë: “Tony Hudgell është një frymëzim për të gjithë”.
“Ai ka kapur zemrat e kombit dhe sfida e tij i ka mundësuar që të tregojë se sa i veçantë është për të gjithë”. /Telegrafi/