Të paktën pesë persona ndërruan jetë në Egjipt dhe 24 të tjerë u lënduan pas shembjes së një ndërtese në Kajro në orët e para të së shtunës, njoftoi agjencia shtetërore e lajmeve egjiptiane, MENA.
“Dhoma e krizave të komunës u informua në orën 3 të mëngjesit për shembjen e një ndërtese e cila ishte e përbërë nga një bodrum, me nëntë kate përfshirë një përdhes”, tha komuna e Kajros në një deklaratë.
Punëtorët e shpëtimit kanë filluar kërkimin për çdo të mbijetuar të bllokuar nën rrënojat e ndërtesës në lagjen el-Salam, tha Khalid Abdel-Al, kreu administrativ i komunës së Kajros.
Sipas tij, të paktën 24 persona të tjerë pësuan lëndime dhe me këtë rast u dërguan në spitale për trajtim, raporton Al Jazeera, përcjell Telegrafi.
Another sad & bloody day for Egypt.
8 people dead and 30 injured in Cairo, after a multi-storey building collapsed early Saturday.
This tragedy happened only a day after the train collision in Sohag where 32 lost their lives & 150 were severely injured.
#جسر_السويس pic.twitter.com/XU80B31Dmk— Osama Gaweesh (@osgaweesh) March 27, 2021
Ende nuk dihet se çfarë e shkaktoi shembjen e ndërtesës, derisa një komitet inxhinierik u formua për të shqyrtuar ‘integritetin’ strukturor të ndërtesave aty pranë. /Telegrafi/