Pesë shtetas rusë që i ikën mobilizimit të Vladimir Putinit, kanë ngecur në aeroportin e Seulit, e atje po jetojnë prej disa muajsh.
Studenti nga Buryatiya, Vladimir Maraktaev, ka thënë për The Korea Times, se gjatë 24 shtatorit është larguar nga shtëpia me të bërë publik Putin lajmin për mobilizim, transmeton Telegrafi.
Ai dhe miqtë e tij me veturë kaluan kufirin e Mongolisë, nga ku udhëtuan me aeroplan për në Filipine dhe më pas në Korenë e Jugut, duke shpresuar se atje do të marrin azil.
Megjithatë, nga nëntori Maraktaev jeton në aeroportin Incheon të Seulit. Siç ka thënë ai, ka vendosur të dorëzojë kërkesën për azil në Korenë e Jugut, pasi e kishte tërhequr ky vend për të cilin konsideron se ka një demokraci të zhvilluar.
Në fund doli se ministria e Drejtësisë, shmangien apo ikjen nga rekrutimi, nuk e konsideron si arsye të vlefshme për marrjen e statusit të refugjatit.
Tani këta pesë rusët që ikën nga mobilizimi jetojnë në zonën e nisjes së aeroportin Incheon. U është refuzuar azili dhe nuk munden rrugëve ligjore të largohen nga aeroporti korean. Autoritet u sigurojnë vazhdimisht ushqim.
Ata kanë bërë ankesë për vendimin e ministrisë koreane të Drejtësisë. Nëse gjykata qëndron në anën e rusëve, me gjasë do të deportohen në Rusi. /Telegrafi/