Thomas Tuchel raportohet se ka kërkuar nga Chelsea që të bëhen disa ndryshime në skuadër para edicionit 2021/2022.
The Blues e fituan edicionin e kaluar Ligën e Kampionëve, derisa përfunduan në vendin e katërt në Ligën Premier.
Duke ditur se Thomas Tuchel e mori drejtimin e skuadrës në fillim të këtij viti, ky sukses natyrisht se ishte i madh, gjersa po përgatiten që në këtë verë t’i bëjnë edhe disa transferime të reja.
Për të realizuar një gjë të tillë, fillimisht Chelsea duhet të shesë apo huazojë disa lojtarë, e që bëhet e ditur se janë pesë.
Ethan Ampadu (huazim), Malang Sarr (huazim), Ruben Loftus-Cheek (shitet), Ross Barkley (shitet), Charly Musonda (huazim).
Në rastin e Loftus-Cheek e Barkleyt, nëse arrin oferta e duhur për dyshen, atëherë do të shiten në këtë verë.
Tuchel po tenton transferimin e Jules Koundes nga Sevilla si pjesë e marrëveshjes me Kurt Zouman plus para, derisa mund të largohet edhe Timor Werneri, për t’i lënë vendin Erling Haalandit apo Robert Lewandowskit. /Telegrafi/