Personazhi Sally Carrera nga seria Cars – seri kjo e krijuar nga kompania amerikane Pixar – po vjen tani edhe në jetën reale si një makinë prej vërteti.
Në filmin Cars, Sally ishte një makinë, pra një Porsche 911 Carrera e gjeneratës 996 të vitit 2002, transmeton Telegrafi.
Për 20-vjetorin e Sally Carrera – viti i saj origjinal i modelit, jo i rolit në film – Porsche dhe Pixar Animation Studios janë bashkuar për një projekt të veçantë për të transformuar personazhin e animuar në makinë reale.
Makina do të prezantohet në një festival. Sally 2.0 i frymëzuar nga Pixar do të jetë një model i vetëm i bazuar në gjeneratën e së fundme 992, Porsche 911.
Pasi të kompletohet makina do të dalë në ankand për bamirësi. /Telegrafi/
