Deputetët Frashër Krasniqi i PSD-së dhe Xhelal Sveçla i Vetëvendosjes kanë pasur një përplasje fizike pas emisionit Rubikon në KTV, jashtë ndërtesës së televizionit.
Lidhur me këtë Telegrafi ka kontaktuar autorin e emisionit Rubikon, Adriatik Kelmendi, por ky i fundit nuk ka dashur të komentojë ngjarjen.
“Nuk mundem me komentua asgjë. Emisioni ka shkuar në rregull nuk është e imja me komentua. Nga ana ime s’kam koment”, tha Kelmendi.
Deputetja e LDK-së, Besa Gaxherri ka thënë për zërin se ka qenë dëshmitare e këtij incidenti dhe se autori i emisionit, Adriatik Kelmendi është marrë me dy deputetët duke tentuar t’i ndajë.
“Po janë përlesh mes vete. Fatkeqësisht ka ndodhë. Unë kam qenë dëshmitare por nuk e di qysh ja kanë nis vetëm kur i pash, vërtetë eskaloi situata. Adriatiku më shumë u mor me ta”, ka thënë Gaxherri.
Telegrafi ka tentuar të komunikojë me të implikuarin Xhelal Sveçla dhe Frashër Krasniqin, por nuk ka mundur të marrë përgjigje.
Krasniqi edhe më parë kishte pasur konflikt fizik me një deputet, në një studio televizive, në Klan Kosova, në atë rast me deputetin e Nisma-s, Milaim Zeka.