Këngëtarja shqiptare me renome botërore, Dua Lipa, është rikthyer në vendin e saj të origjinës për edicionin e tretë të festivalit Sunny Hill.
Ajo ka mbajtur një konferencë për media ditën e enjte, në prezencë të babait të saj, Dukagjin Lipa, dhe Kryetarit të Prishtinës, Përparim Rama.
Ky i fundit teksa ka vlerësuar lartë kontributin që ky festival i sjell promovimit të kryeqytetit, i ka bërë edhe një dhuratë simbolike këngëtares 26-vjeçare.
Ai i ka dhuruar asaj Hyjneshën në Fron të gravuar në ari të bardhë 4000 vjeçar të vjetër.
Kjo dhuratë iu dha asaj në nder të promovimit që i ka bërë Kosovës me vendosjen e saj në hartën ndërkombëtare të ngjarjeve kulturore.
Dua Lipa në anën tjetër u shpreh entuziaste për performancën e saj Prishtinë, e cila do të jetë e treta me radhë në Parkun e Gërmisë. /Telegrafi/
