Sot rreth orës 20:30 ka ndodhur një përleshje fizike në mes të disa personave, në rrugën “Afrim Loxha” në Prishtinë, si pasojë së cilës një person ka marrë lëndime.
Lajmi për Telegrafin është konfirmuar nga zëdhënësja e policisë rajonale të Prishtinës Flora Ahmeti, sipas të cilës pas marrjes së informacionit njësitet e stacionit policor kanë dalë në vendin e ngjarjes dhe po merren me rastin.
“Bazuar në informacionet e para dyshohet se një person mashkull, është lënduar dhe i njëjti është dërguar në QKUK për trajtim mjekësor. Aktualisht po vazhdon puna për zbardhjen e rrethanave dhe motiveve që karakterizojnë ngjarjen”, ka thënë Ahmeti. /Telegrafi/