Interpelanca për rastin e Astrit Dehari, është duke vazhduar me tensione të ashpra mes deputetëve.
Deputetët e Vetëvendosjes dhe PDK-së kanë qenë afër përplasjes fizike në Kuvendin e Kosovës, gjatë fjalimit të ministres Dhurata Hoxha në foltore.
Hoxha, pasi ka marrë fjalën, ka folur për rastin e vrasjes së Astrit Deharit.
Ndër të tjera Hoxha ka thënë se Vetëvendosjen është e ndikuar nga Rusia.
E gjithë kjo bëri që të këtë reagime të ashpra të deputetëve të VV-së të cilët, kanë krijuar zhurmë gjë që bëri të ndërpritet fjalimi.
Më pastaj, kryesuesi Xhavit Haliti, kërkoi pesë minuta pauzë, gjë që nuk ndodhi, pasi u krijuan tensione dhe përplasje mes tyre.
Në anën tjetër, shumica e deputetëve të VV-së dolën përpara, por përplasja u evitua pasi deputetët tjerë reaguan për të shmangur një gjë të tillë.
Liburn Aliu deputeti i VV-së ka qenë i pari ai që është ngritur në këmbë për tu fjalosur me Memli Krasniqin nga PDK.
Të dy deputetët i janë vërsulur njëri tjetrit, teksa deputetët e tjerë të të dy partive të tjerë kanë ndërhyrë për ta ndalur një përleshje të mundshme.
Të nervozuar nga kjo situatë janë parë edhe deputetët e tjerë të VV-së Salih Zyba dhe Xhelal Sveçla të cilët janë parë tejet të nervozuar në këtë situatë.
Madje Zyba i është vërsulur Krasniqit të PDK-së.
“Zotëri Kurti, me qasjen tuaj dhe me politiken tuaj ose jeni tejet djallëzor ndaj partisë sime ose jeni të instrumentalizuar nga qarqet ruse që duan me çdo kusht destabizilimin e vendit”, ka thënë Hoxha.
Ndërkaq, Hoxha e vazhdoi sërish fjalimin e saj pasi u qetësua situata dhe pas fjalimit të Haradinajt, por deputetët e VV-së sërish bënin zhurmë për të mos lejuar fjalimin e saj.
Kjo seancë u mbajt si interpelancë për vdekjen e Astrit Deharit në burgun e Prizrenit. Telegrafi/
