Pavarësisht pandemisë COVID-19 shumë biznese në Kosovë kanë filluar ta rimarrin vetën, duke hapur vende të reja të punës.
Tashmë një gjë e tillë është vërejtur te platforma më e popullarizuar për punë “Telegrafi Jobs“.
Aktualisht në këtë platformë janë aktive 86 konkurse nga kompani të ndryshme, përmes së cilave kërkohen 500 punëtorë të rinj.
Ndër pozitat për të cilat kërkohen punëtorë janë për administratë, call center, teknologji informative, sigurime, marketing e reklamim, shitje dhe menaxhment.
Po ashtu, listën e plotë të konkurseve mund ta gjeni edhe në faqen e “Telegrafi Jobs” në Facebook.
Nga kjo mund të thuhet se, pavarësisht vështirësive të kaluara gjatë periudhës së karantinës, shumë nga bizneset në Kosovë po rikthehen në treg.
Ndryshe, më 1 qershor në Kosovë ka hyrë në fuqi faza e tretë e lehtësimit të masave, pas një bllokimi gati tre mujor, që janë vendosur për të parandaluar përhapjen e COVID-19. /Telegrafi/