“The Grey Man” është përmbajtja më e ndjekur në Netflix këtë javë, me shikuesit që kanë kaluar 88.5 milionë orë duke e shikuar. Është fjala për filmin më të shtrenjtë në histori të Netflix.
Suksesi i filmit ndoshta i ka befasuar kritikët, të cilët e kanë kritikuar ashpër. Edhe pse në film u investuan shumë para dhe shumë yje luajnë në të, filmi mori kritika të shumta negative.
Pavarësisht se kritika nuk ka një mendim pozitiv për filmin, shikuesit duket se janë kënaqur me të dhe u ka pëlqyer aq shumë sa që kërkojnë që të bëhet sa më shpejt një vazhdim.
Filmi u bë me regji nga vëllezërit Russo (të cilët u bënë të famshëm me filmat nga Marvel Cinematic Universe), dhe kasti është plot me emra të famshëm.
Së bashku me Ryan Gosling dhe Chris Evans, është edhe aktori britanik, Rege-Jean Page, i njohur për rolin e tij në serialin shumë të popullarizuar të Netflix, Bridgerton, si dhe Ana de Armas e Billy Bob Thornton.
Netflix investoi një rekord prej 200 milionë dollarësh, ndërsa ngjarja ndjek agjentin e CIA-s, Cort Gentry (Gosling) me emrin e koduar Sierra Six, i cili zbulon një sekret të errët të organizatës për të cilën punon. /Telegrafi/