Afati i parë për dorëzimin e kërkesave për subvencione për themelimin e kooperativave bujqësore përfundon sot. Kërkesat dorëzohen çdo tre muaj, ndërsa mbështetja financiare është e pakthyeshme, përcjell Telegrafi Maqedoni.
Kooperativat kanë të drejtë në vitin e parë të themelimit për drejtorin dhe për një agronom ose veterinar të kërkojnë subvencione në nivel të një page mesatare mujore.
Deri tani në Maqedoni janë regjistruar 29 kooperativa bujqësore, nga të cilat 24 nga vëllimi i vogël dhe pesë nga vëllimi i madh, me kapacitet të përgjithshëm prej 870 hektarë hapësirë punuese./Telegrafi/