Ka përfunduar me sukses java e katërt në dy grupet e Ligës së Parë në futboll në Kosovë.
Përballjet që u zhvilluan në këtë xhiro sollën mjaftë befasi, por që kishte edhe një numër të madh të golave.
Në Grupin A, Liria e ka mposhtur Trepçën me rezultat 2-0, derisa Vushtrria është ndalur në shtëpi nga Vëllaznimi në barazimin 1-1.
Istogu ka arritur të fitojë me rezultat bindës 2-0 ndaj Drenasit, e që me të njëjtin rezultat fitoi edhe Dukagjini ndaj Onixit.
A&N në anën tjetër e ka mposhtur në shtëpi Malishevën me rezultat minimal 1-0.
Në grupin B, Ramiz Sadiku ka barazuar në shtëpi 1-1 ndaj Dardanës, e 2 Korriku po ashtu barazoi, por pa gola me Vitinë.
Ferizaj në anën tjetër ka fituar në udhëtim te Vllaznia me rezultat të ngushtë 2-1, gjersa Flamurtari e mposhti KEK-un me rezultat të thellë 5-0.
Në këtë xhiro ka fituar edhe Ulpiana që fitoi 2-1 në udhëtim te Kika. /Telegrafi/
