Një veturë është përfshirë nga zjarri sot rreth orës 14:20 në rrugën “Lufta e Gjilanit”, në Gjilan.
Lajmin për Telegrafin e ka konfirmuar zëdhënësi i Policisë së Kosovës për rajonin e Gjilanit, Valon Osmani.
Sipas tij, njësitet policore së bashku me njësitin e zjarrfikësve kanë dal në vendin e ngjarjes, ku është bërë dhe lokalizimi i zjarrit.
Osmani po ashtu tha se nuk ka persona të lënduar.
“Më 05.01.2024 rreth orës 14:20 kemi pranuar informacion se ne rrugën ‘Lufta e Gjilanit’ në Gjilan një automjete me targa vendore është përfshirë nga zjarri.
Njësitet policore kanë dalë në vendin e ngjarjes së bashku me njësitin e zjarrfikësve të cilët e kanë lokalizuar zjarrin. Përveç dëmeve materiale në automjet, lëndime trupore nuk ka pësuar askush”, ka thënë Osmani.
Sipas tij, rrethanat e rastit po hetohen nga hetues policor. /Telegrafi/