Hyrja e një ndërtese në Prishtinë është përfshirë nga zjarri mëngjesin e sotëm.
Zëdhënësja e Policisë së Kosovës për rajonin e Prishtinës, Flora Ahmeti tha se rasti ka ndodhur rreth orës 08:00 dhe se nuk ka persona të lënduar.
“Sot rreth orës 08:00, kemi pranuar informatën për një incident zjarri në afërsi të një objekti, në lagjen Ulpiana në Prishtinë. Zjarri është lokalizuar, është raportuar vetëm për dëme materiale”, u shpreh Ahmeti për Telegrafin.
Në pamjet që kanë qarkulluar në rrjetet sociale shihet se zjarri kishte përfshirë gjithë hyrjen e ndërtesës./Telegrafi/
