Një autobus me targa të huaja është përfshirë nga flakët mëngjesin e së martës në magjistralen Hani i Elezit-Kaçanik, ndërsa nuk ka të lënduar.
Lajmin e konfirmoi për Telegrafin, zëdhënësi i Policisë për rajonin e Ferizajt, Kanun Veseli.
Ai tha se pasagjerët dhe drejtuesi i autobusit kanë arritur të dalin jashtë dhe nuk ka të lënduar.
“Sot rreth 09:30 një autobus me targa të huaja i cili po qarkullonte nga Hani Elezit në drejtim Kaçanikut posa arrin tek vendi ‘Kulla me qeshmë’ për shkaqe tani për tani të panjohura, përfshihet nga flaka. Pas kësaj ndalon skaj rrugës dhe të gjithë pasagjerët dhe drejtuesi i autobusit arrijnë të dalin jashtë dhe nuk ka asnjë të lënduar”, tha Veseli.
Ndryshe, siç shihet nga pamjet, autobusi është i tëri i djegur. /Telegrafi/