Lojtarët e Real Madridit e kanë paralajmëruar presidentin Florentino Perez të heqë dorë nga planet për rikthimin e Jose Mourinhos në Santiago Bernabeu.
Menaxheri i Manchester Unitedit është njeriu i favorizuar nga Perez për të zëvendësuar trajnerin Julen Lopetegui.
Dyshja mbetet e afërt mes vete pas tre sezoneve të Mourinhos të kaluara te Real Madridit.
Por, është një histori e ndryshme brenda dhomave të veshjes, pasi thuhet se lojtarët kanë dalë kundër kësaj ideje.
Mediumi El Confidencial raporton se kapiteni Sergio Ramos dhe Marcelo janë të alarmuar nga thashethemet për kthimin e Mourinhos.
Këta dy futbollistë, por edhe disa senatorë të tjerë ia kanë bërë të qartë Perezit se Mourinho nuk do të ishte i mirëpritur në Bernabeu.
Gjatë të mërkurës doli se agjenti i Mourinhos, Jorge Mendes, u kontaktua gjatë fundjavës nga Reali pas humbjes të së shtunës në Levante.
Një emër tjetër shumë i përfolur është ai i italianin Antonio Conte, i cili mbetet i lirë pas shkarkimit nga Chelsea. /Telegrafi/