Florentino Perez ka bërë disa blerje të mëdha këtë verë, ndërsa Zinedine Zidane po punon që ta riformojë skuadrën edhe pse ende një pikë mbetet e zbrazët, sidomos mesfusha.
Klubi ende nuk e ka zhvilluar asnjë ndeshje miqësore, por 90 minutat më të rëndësishme në Kanada, kanë ndodhur tashmë në formë të një takimi midis tre njerëzve më të fuqishëm në klub.
Brenda mureve të hotelit Ritz Carlton, Florentino u takua me Zinedine Zidanen dhe Jose Angel Sanchez, në një takim që zgjati 90 minuta, ku u diskutua vetëm për afatin kalimtar.
Pavarësisht nga dëshira e tij për të nënshkruar me bashkatdhetarin e tij, Zidane është bërë i vetëdijshëm se një marrëveshje me Paul Pogban është pothuajse e pamundur këtë verë, me Manchester United që thjesht nuk dëshiron ta shes pasurinë e tyre të çmuar.
Pogba mbetet zgjedhja e parë për trajnerin francez, por nëse nuk ndodh një mrekulli, ai e kupton se mesfushori nuk do ta veshë fanellën e bardhët të Real Madridit në sezonin 2019/20.
Los Blancos janë të bindur se Pogba do të bëjë çmos që të vije këtë verë, por klubi nuk i ka lënë të ftohen as pistat e Christian Eriksen dhe Donny van de Beek.
Të tre personat në takim u pajtuan që Toni Kroos, Casemiro, Fede Valverde dhe Luka Modric, iu duhet edhe një opsion në këtë pozitë.
Zidane nuk e dëshiron James Rodriguezin, ndërsa në shitje është edhe Dani Ceballos. Edhe për Iscon klubi do të dëgjojë ofertat. /Telegrafi/